Անհավասարումների համախումբը բաղկացած է մեկ կամ մի քանի անհավասարումներից: Այդ անհավասարումները միավորվում են քառակուսի փակագծով: Պետք է գտնել այդ անհավասարումներից գոնե մեկին բավարարող լուծումները:
Փոփոխականի այն արժեքները, որոնց դեպքում համախմբի անհավասարումներից գոնե մեկը վերածվում է ճիշտ անհավասարության, կոչվում են անհավասարությունների համախմբի լուծումներ:
Գծային անհավասարումների համախումբը լուծելու համար, պետք է լուծել համախմբի յուրաքանչյուր անհավասարումը և այնուհետև գտնել ստացված լուծումների բազմությունների միավորումը: Դա էլ հենց կլինի համախմբի բոլոր լուծումների բազմությունը:
Լուծել համախումբը՝ նշանակում է գտնել նրա բոլոր լուծումները:
Օրինակ
Լուծենք հետևյալ համախումբը՝
[2x−1>3
3x−2<11
1. Լուծելով առաջին անհավասարումը, ստանում ենք՝
2x>4|:2
x>2
2. Լուծելով երկրորդ անհավասարումը, ստանում ենք՝
3x<13|:3
x<13/3
3. Ստացված միջակայքերը նշենք թվային առանցքի վրա: Յուրաքանչյուրի համար ընտրենք իր նշումը:
4. Անհավասարումների համախմբի լուծումը թվային առանցքի վրա նշված երկու բազմությունների միավորումն է:
Մեր դեպքում ստանում ենք ամբողջ թվային առանցքը՝ (−∞;+∞)
Առաջադրանքներ՝ 453, 453 ա-զ
Զարինե Փանյան 