Ենթադրենք, թե ասֆալտապատման աշխատանքների կատարման համար չափել են փողոցի երկարությունը և ստացել 538,816 մ: Իհարկե, անհրաժեշտ ասֆալտի քանակությունը հաշվարկելիս սանտիմետրերն ու միլիմետրերը դեր չեն խաղում: Այդ պատճառով ստացված թիվը կլորացնում են՝ նրա վերջին երկու կարգերում գրված թվերը փոխարինելով զրոներով և ապա ազատվելով այդ զրոներից՝ 538,800=538,8
Ստացված թիվը մոտավորապես է հավասար ճշգրիտ թվին՝ 538,816-ին: Դա գրում են այսպես՝ 538,816≈538,8
Այս դեպքում տրված թիվը փոխարինվեց ավելի փոքր թվով: Այդ պատճառով ասում են, որ կլորացումը կատարվեց պակասորդով մինչև տասնորդականների կարգը: Մինչև տվյալ կարգը պակասորդով կլորացման ժամանակ բոլոր թվանշանները, որոնք թվի գրառման մեջ գրված են տվյալ կարգից աջ, փոխարինվում են զրոներով: Նույն 538,816 թիվը կարելի է կլորացնել նաև հավելուրդով՝ համարելով, որ 538,816≈538,9: Այս դեպքում մոտավոր թիվը կստացվի տրվածից մեծ: Մինչև տվյալ կարգը հավելուրդով կլորացման ժամանակ բոլոր թվանշանները, որոնք թվի գրառման մեջ գրված են տվյալ կարգից աջ, փոխարինվում են զրոներով, իսկ տվյալ կարգի թվին գումարվում է մեկ: Մենք կատարեցինք նույն թվի կլորացում երկու եղանակներով՝ 538,800=538,8, 538,816≈538,9: Նախընտրելի է այն կլորացումը, որի ժամանակ ստացված թիվը տրվածից հնարավորինս քիչ է տարբերվում (դիտարկված օրինակում նախընտրելի է կլորացումը պակասորդով):
Դրա համար պետք է վարվել հետևյալ կերպ՝
1) եթե թվի գրառման մեջ տվյալ կարգից աջ գրված են 0,1,2,3,4 թվանշաններից մեկը, ապա պետք է կատարել կլորացում պակասորդով
2) եթե թվի գրառման մեջ տվյալ կարգից աջ գրված են 5,6,7,8,9 թվանշաններից մեկը, ապա պետք է կատարել կլորացում հավելուրդով
Օրինակ
Կլորացնենք 892,7084 թիվը: Եթե կլորացնենք մինչև հազարերորդականների կարգը, կստանանք 892,708 Եթե կլորացնենք մինչև հարյուրերորդականների կարգը, կստանանք 892,71 Եթե կլորացնենք մինչև տասնորդականների կարգը, կստանանք 892,7
Կլորացումը կարելի է շարունակել՝ ստանալով նաև բնական թվեր:
Օրինակ Եթե կլորացնենք մինչև տասնավորների կարգը, կստանանք 893
Եթե կլորացնենք մինչև հարյուրավորների կարգը, կստանանք 900
Առաջադրանքներ
1․Տրված թիվը պակասորդով կլորացրու մինչև հարյուրերորդական կարգը:
Պատասխան՝ 3.310102030405≈
2․Չափեցին պարանի երկարությունը և կլորացնելով՝ ստացան բնական թիվ: Որքա՞ն է պարանի երկարության կլորացված արժեքը պակասորդով, եթե նրա ճշգրիտ երկարությունը 44,1 սմ է:
3․Պարզիր, թե ինչպես է կատարվել տրված տասնորդական կոտորակի կլորացումը՝ պակասորդով, թե՞ հավելուրդով` 92,5≈93
4․Որոշիր, թե արդյո՞ք կփոխվի հարյուրերորդականների թվանշանը, եթե 59,546 թիվը կլորացնենք մինչև հարյուրերորդականների կարգը:
5․Որքա՞ն է հատվածի երկարության` մինչև միավորների կարգը կլորացված արժեքը, եթե նրա ճշգրիտ երկարությունը 68,6 սմ է:
6․Ուղղանկյան երկարությունը 5.39 մ է, իսկ լայնությունը՝ 4.35 մ: Հաշվիր ուղղանկյան մակերեսը և կլորացրու այն մինչև տասնորդականների կարգը:
7․Տրված է երկու թիվ՝ 23562-ը և 325-ը: Պարզիր քանորդի ամենամեծ կարգը: Ընտրիր ճիշտ պատասխանը:
- հազարավորներ
- հարյուրավորներ
- տասնավորներ
8․Որոշիր, թե մինչև ո՞ր կարգն է կատարված կլորացումը՝ 2,8227≈3 Ընտրիր ճիշտ պատասխանը:
- տասնավորները
- միավորները
- հազարերորդականները
- հարյուրավորները
- տասհազարերորդականները